Arragliata pe ddoie mazziate: una, avuta, e ll’ata, rata

Arragliata pe ddoie mazziate: una, avuta, e ll’ata, rata

Nn’avesse maie vuluto scrive’ ‘e chesto

de sta paliata ca nun se nne scenne

e nno p’’o Lecce ch’è na squatra tosta

ma pe stu ciuccio ch’ha ‘ppezzato ‘e ppenne.

 

Chist’anno ‘o campionato è overo zoza,

comme ‘o ccafè dall’acqua ntruvulato:

facimmo iucariello… senza puzo…

e ssimmo overo ciucce senza sciato.

 

Ma po’ succere ca manco t’âspiette

che ccagna ‘a sciorta e vanne buone ‘e fatte

comme cu ‘a squatra ‘e chistu signor Conte

ca ffa ‘o smargiasso pecché tene a la ggente

 

Ca sapeno iucare e ssongo maste.

Sulo ch’ê vvote ancappano ‘e cchiù ttuoste

e allora so’ mmazzate ch’ammenesta

stu ciuccio bello, chistu ciuccio nuosto.

  ******************************

Arragliata per due bastonature: una, avuta, e l’altra, data.

 

Non avrei mai voluto scrivere di questo

Di questa bastonatura che non va giù

E non per il Lecce che è una squadra coriacea

Ma per questo ciuccio che ci ha lasciato le penne

 

Quest’anno il campionato è davvero una schifezza

Come il caffè a cui viene aggiunta dell’acqua

Facciamo piccolo gioco… senza polso

E siamo davvero un ciuccio che affanna

 

ma poi succede che nemmeno te lo aspetti

che cambia la sorte e le cose vanno bene

come è successo con la squadra di questo signor Conte

che fa lo smargiasso perché ha ottimi giocatori

 

Che sanno giocare e sono davvero dei maestri.

Solo che a volte incontrano altri più duri di loro

E allora sono botte che somministra

questo ciuccio bello, questo Ciuccio nostro.